رجال العزم
الكاتب : الشاعر: معاذ الجعفر

كل عام ياوطن وحنا سالمين
وكل عام وانتي ديار الحضاره

أساسك التوحيد والحق المبين
وانتي ديار المجد وانتي فناره

وحدك المليك ورجالٍ وفيين
بالعدل والدين حكم واماره

وصانوك من بعده ملوكٍ عزيزين
كانو حماة الدار بيت وعماره

وبنوك الاولين من رمل وطين
وسبقتي العالم بأبراج وتجاره

نصون عهدك على مر السنين
واللي تعدى ما شاف الا الخساره

حدودنا حمر يسار ويمين
حنا يمين الحزم وحنا يساره

واللي ما يردعه وازع ولا دين
شاف منا الويل وشاف انحساره

مليكنا سلمان ذخر المسلمين
حنا رهن أمره ورهن الاشاره

حامي حمانا وحزمه ما يلين
وراعيٍ للبيتين وحافظ دياره

وولي عهده القوي الأمين
أبهر به الدنيا عزم وجساره

رؤيته تتحقق ودرعه حصين
حنا معه نرقى بعلم وجداره

حنا قديمك ياوطن وحنا الجديدين
وحنا رموز الغد وحنا البشاره

وحنا هل النور والشرع والدين
وحنا صروح العلم وحنا مناره

قادرين يابو سلمان حنا قادرين
حنا رجال العزم وأهل المهارة

هذا قصيدي دون عزفٍ وتلحين
ولاني أمير الشعر ولاني نزاره
___________________
@M34J

سبتمبر 22nd, 2021270

اكتب تعليق