” غيرك تركته “
الكاتب : الشاعر مساعد العوفي

دعماً منا للشعر والشعراء في صحيفة المعالي نيوز فانه يسعدنا ان نستضيف الشاعر ” مساعد بن سعود العوفي ” في هذه الزاوية بقصيدة بعنوان ” تركت غيرك ” والتي تنبض بروح الغزل العفيف والجزالة في المعنى.
لكي لا نطيل عليكم نترككم للأبحار مع عذوبة الشعر والقافية.
الكاتب:- محمد بن جهز العوفي.

” غيرك تركته ”
للشاعر ( مساعد العوفي )

ياابو الدلع والحلاء والملح والقبله
عنيت حالي وانااللي في مكفيني

كل المشاعر على طرياك. منهبله
وشلون لو جاء بك المقسوم يازيني

والله لاحقق مرادك غصب و ندبله
ورضيك لو عشت بين الفقر و الديني

يااللي تحريت غيمك ينهمل وبله
حبك سراء بين دمي و الشراييني

مسراء عقيد(ن) يكب العزوه الخبله
مايصبح الا شجيع(ن)من شجيعيني

غيرك تركته ومنه النفس مندبله
والا انت ما أنساك ياسيد المحبيني

لون كوني علي أضوق من الدبله
ولو ينتفي كل طيّب من قدم عيني

عشقت ريح المطر والشيح والربله
ولقيت بك غير ذول وزود ثنتيني

طول المعنق وحمرن تشتعل ذبله
اذبح بها لهفتي واحيي بساتيني

ماني بعنتر ولا شكلك مثل عبله
تقول من نور خلقك ماانت من طيني

يامن صفات الحسن والغنج تنسبله
استغفر الله جميع اعضاك تغريني

عليك روحي وآمال الروح منجبله
أنا وقلبي وما أملك فيك راضيني

أرجي وصالك مع الايام و ارقبله
وان ماحصل ياشقايه والله يعيني

حطيتني دون قوسك وأحتمى نبله
قوسك ونبلك ونارك كلها فيني

حبي تزاحم كما مزن(ن) نشاء قبله
وانا بعد جيت لك والشوق يدعيني

قلب(ن) تشبث بذوب شفاك يا خُبله
ولاهو بحق(ن) تولع به وتكويني

اما اعتق القلب و الا قوم و قربله
لاتقول مالي بنزف الجرح سكيني

اعطاك مااعطيته ووصلك قطع حبله
واللي مضى معك رايح بس لاويني ؟

يونيو 9th, 20171433

اكتب تعليق