أحلام الطفولة
الكاتب : الشاعر : حامد الحمراني

 

‏بين تقليب الزمان الماضي وحاضرزماني
‏ ذكرياتٍ من مراحل عمر مكتظه صور
‏لونسيت احداث منها بس وقتي مانساني
‏كم ضحكت وكم بكيت وكم عرفت من البشر
‏اه ياعمر الطفوله ليت ترجع لوثواني
‏ واخبرك وشلون صار الناس واحداث الدهر
‏ياطهارة قلب فيها كمّ زاخر بالأماني
‏ وابتسامة بالبراءة ملازمة ذاك الثغر
‏نعزف احلام الطفوله انغام نشدوها اغاني
‏ والسعاده تزيد فينا كلما اللحظه تمر
‏كنت اعد اصحاب عمري كلهم حسبة خواني
‏ والعلاقه حبلها ممدود دايم مستمر
‏المصالح مالها من بيننا قاصي وداني
‏ والنوايا البيض تحكي عن دروس من الطهر
‏وينها ذيك الملامح ٌبدّلت في شكل ثاني
‏ لين صار اقلوب بعض الناس اقسى من الحجر
‏مابقى للطيب فيها حيز وقدرٍ وشاني
‏ واصبحت تعطي الوفي منا دروس من الغدر
‏بس رجّع يالزمان الماضي لحاضر زماني
‏ ذكرياتٍ من مراحل عمر مكتظه صور

‏شعر/ حامد الحمراني

سبتمبر 7th, 20181552

اكتب تعليق